Губите желба за работа, депресивни сте и уморни, ве боли стомак…Не е ништо серизоно, но време е за промена
Нездравата работна средина може да придонесе за сериозни здравствени проблеми
Работата треба да биде искуство за учење и забава и треба да ги покажеме сите наши вештини и знаења за тоа. Но, тоа не е секогаш така. Понекогаш мора да останеме на работа, па дури и по цена на здравјето. Еве знаци дека вашата работа го нарушува вашето здравје:
- Анксиозност и депресија
Паника и страв од премногу работа како и страв од комуникација со колеги и претпоставени, исто така, покажуваат дека сме под преголем стрес. Во овие случаи, се јавува депресија, постојано чувство на тага и безнадежност, губење на енергија.
- Лесно се вознемирувате
Покрај развојот на физичка болест, стресот од работа влијае и на нашето расположение. Работата во иста средина ги продолжува токсичните односи и стануваме раздразливи секогаш кога ќе се случи нешто што не ни одговара.
- Физички болести
Многу канцелариски работни места, каде што работното време е околу 8 часa, предизвикуваат значителни здравствени проблеми како што се мускулно-скелетни проблеми, гастроинтестинални нарушувања, главоболки и слични проблеми.
- Работата не ве прави среќни
Вашата работа станува здодевна, нема возбуда и не сте заинтересирани како порано. Почнувате да се плашите од секојдневните задачи и односот со колегите и претпоставените станува сè понапнат. Чувствувате големо олеснување кога ќе заврши работното време.
- Немате волја за работа
Редовното доцнење или вклучувањето подоцна ако работите од далечина може да биде ран знак дека не уживате во работата, особено ако сте од оние вработени кои долго време биле во компанијата. Ова значи дека вашата работа влијаела на вашето ментално здравје.
- Анализирајте ги вашите проблеми како да се нечии други
Луѓето понекогаш се премногу строги кон себе и не се во можност објективно да ја проценат ситуацијата во која се наоѓаат. Затоа, понекогаш е подобро да се преправаме дека она што ни се случува, всушност, му се случува на некој друг. На тој начин, ние добиваме подобар увид во нашиот проблем, и со тоа е полесно да се дојде до негово решавање.
