Ви се чини дека пребрзо стареете? Еве каде грешите
Иако стареењето е нешто сосема природно и со кое сите ќе се соочиме, порано или подоцна, тоа мора да биде достоинствено и со самодоверба. Сепак, лошите навики и начинот на живот може во поголема или помала мера да влијаат на раното стареење на кожата.
Проверете дали правите некоја од трите клучни грешки кога станува збор за вашиот однос кон сопственото тело и убавина.
1.Прекумерно изложување на сонце без соодветна заштита
Изложувањето на сонце е фактор кој значително придонесува за појава на дамки и брчки, истовремено намалувајќи ја еластичноста на кожата. Дури 70 проценти од процесот на стареење на кожата зависи од количината на сончева светлина на која е изложена нашата кожа во текот на животот.
Се препорачува секојдневно нанесување крема за сончање, особено на деловите од кожата кои не се покриени со облека. Покрај тоа што секојдневно ставате крема за сончање, обидете се да останете во сенка за време на највисоките дневни температури.
- Храна полна со шеќер
Овошјето и зеленчукот се главен извор на антиоксиданти. Покрај тоа, овошјето и зеленчукот се богати со витамин Ц, што е клучно за правилно производство на колаген. Експертите советуваат да се избегнува храна што содржи многу шеќер или други рафинирани јаглехидрати, бидејќи оваа храна може да го забрза процесот на стареење на кожата.
- Прекумерни количини на алкохол
Алкохолот ја дехидрира кожата и на тој начин ја прави навидум постара. Консумирањето прекумерни количини алкохол може да предизвика пукање на капиларите и појава на црвенило на образите и носот.
