Pfizer тестира вакцина за употреба кај деца

Pfizer ја заврши регистрацијата на деца на возраст меѓу 12 и 15 години за студија за тестирање на вакцината против коронавирус. 

Американскиот производител на лекови, всушност, сака да ја прошири употребата на вакцината меѓу различните возрасни групи. 

Студијата, објавена во октомври, вклучува повеќе од 2.000 учесници, се вели во соопштението на Pfizer, пренесува Ројтерс.

Вакцините од Pfizer и Moderna, кои се користат во САД, сè уште не се достапни за употреба кај деца поради недоволни податоци од истражувањата. 

Имено, децата ретко имаат сериозни симптоми на Ковид-19, но сепак можат да го шират вирусот. 

Минатиот месец, Moderna исто така започна студија за тестирање на вакцината кај адолесценти на возраст од 12 до 18 години.