Почина Лери Кинг
Светски познатиот водител Лери Кинг почина, соопштија од Ора Медија, продуцентската куќа чиј ко-основач беше Кинг.
Кинг неодамна беше хоспитализиран поради коронавирус, а странските медиуми јавуваат дека токму вирусот е причина за неговата смрт.
Неговата продукциска куќа му оддаде почит на водителот на Твитер, пишувајќи дека починал во Лос Анџелес.
“Луѓето кои ги интервјуираше секогаш ги сметаше како sвезди во своите емисии, додека себе си се гледаше како врска помеѓу гостинот и гледачите. Веруваше дека концизните прашања се секогаш најдобри и не грешеше во тоа”, се вели во соопштението.
