СЗО ја започнува постапката за сертифицирање на руската вакцина Спутник V

Светската здравствена организација ќе ја започне постапката за сертифицирање на вакцината против коронавирусот Спутник V на 22 јануари, изјави портпаролот на рускиот фонд за директни инвестиции. 

„На 22 јануари СЗО ќе започне со постапката за проверка на документацијата за регистрација на вакцината Спутник V“, изјави претставникот на Фондот. 

Претходно, претставникот на СЗО во Русија, Мелита Вујновиќ, објави дека производителите на руската вакцина против коронавирусот Спутник V доставиле барање до Светската здравствена организација во Женева за сертифицирање на вакцината. 

Вакцината Спутник V, произведена од Институтот за научно истражување „Гамалеја“, на 11 август доби потврда за регистрација од руското Министерство за здравство, со што стана првата регистрирана вакцина за коронавирус во светот.