Украл автомобил, не знаејќи дека во него има дете: Го вратил кај неговата мајка и и се заканувал со полицијата

Донекаде необична приказна ни доаѓа од САД. Поточно, од Орегон. 

Во Бивертон, предградие на Портланд, крадец украл автомобил пред продавница. Не му било особено тешко, бидејќи сопственикот го оставил автомобилот отклучен, како што пренесува Oregon Live. 

Сепак, не било сè така лесно. Кога го украл автомобилот и започнал да го вози, забележал дека на задното седиште има четиригодишно момче.

Совесниот крадец и го вратил автомобилот на оваа мајка, но не само тоа – ја искарал на сред продавница. 

“И одржал лекција на мајката која го оставила своето дете во незаклучен автомобил. И се заканил дека ќе повика полиција”, изјави портпаролот на полицијата во Бивертон. 

На крајот, мајката го зела детето, но крадецот сепак влегол во нејзиниот автомобил и побегнал.