Серијата „Peaky Blinders“ нема да има повеќе од шест сезони

Хит серијата „Peaky Blinders“ ќе заврши по шестата сезона, но креаторот Steven Knight истакнува дека приказната „ќе продолжи во друга форма“, пишува Variety. 

Иако веќе неколку пати беше објавувано дека серијата може да има седма сезона, продукцијата изјави дека тоа нема да се случи. 

Knight истакна дека многу работи се смениле во годината на пандемија и дека тие одлучиле да ја завршат серијата со шестата сезона.

Последната сезона на „Peaky Blinders“ ќе има премиера кон крајот на 2021 година или почетокот на 2022 година. 

Од друга страна, сè уште не е јасно како ќе изгледа „другата форма“ од оваа серија, односно онаа на која Knight ќе и се посвети откако ќе го заврши снимањето на шестата сезона од серијата.