Научниците предупредуваат: Лажен негативен PCR-тест е можен

Сигурно сте слушнале за лажен негативен PCR тест, а научниците сега открија дека тоа навистина е можно. 

Администрацијата за храна и лекови на САД (FDA) го предупреди медицинскиот и лабораторискиот персонал дека генетските мутации во коронавирусот, вклучувајќи ја и варијантата B.1.1.7 откриена во Велика Британија, може да доведат до лажни негативни резултати од молекуларен тест (PCR) кога ќе се тестираат за Ковид-19.

Агенцијата го предупреди персоналот на клиничките лаборатории внимателно да ги следат ваквите резултати во комбинација со клинички опсервации и да го повторат испитувањето, но со некој друг тест, доколку сеуште се сомневаат во Ковид-19. 

Лажен негативен резултат може да се појави кај кој било PCR-тест ако мутацијата се случила во дел од неговиот геном кој тестот го испитува, предупредува FDA, додавајќи дека, сепак, опасноста од такви мутации да влијае на целокупната точност на тестот е мала.