Изгладнувањето е опасно, но и бескорисно

Диетите поради кои гладувате се успешни само за кратко време, бидејќи изгубените килограми наскоро се враќаат. 

Нутриционистката Витни Стјуарт вели дека повеќето диети имаат строги правила и се засноваат на идејата за помал внес на храна, броење калории, конзумирање храна во одредено време, а ваквите правила, смета таа, се едноставно неодржливи подолго време.

Идејата за лишување од храна, што е составен дел од многу диети, дава чувство на контрола над ситуацијата и луѓето кои се на ваква диета често размислуваат на начин: „Одлично, досега не изедов ниту едно колаче“, но самоконтролата е сè потешко да се одржи и наскоро тие почнуваат да размислуваат: „Не јадев колачи веќе две недели! Заслужувам барем едно! “После тоа, тие се чувствуваат лошо затоа што не успеале да се контролираат. 

– Ваквото размислување е погрешно – изјави Стјуарт.

Постојат работи што треба да се избегнуваат, како што е постојаното консумирање на нездрава брза храна, храна со висока концентрација на шеќер, како и големи количини на алкохол. 

– Сепак, не треба да промовираме диета заснована на лишување од храна како единствен начин да изгубите тежина, бидејќи има и други – објасни таа. 

Таа предлага мали, но ефективни и долгорочни одржливи промени и наведува дека умереноста е најважна во сè. Проблемот со повеќето луѓе е што тие немаат трпеливост за промени за кои е потребно повеќе време, а кои, на долг рок, носат подобри резултати.