Меси го доби првиот црвен картон во Барселона

Аргентинскиот фудбалер Лионел Меси го заработи својот прв црвен картон во финалето на Суперкупот на Шпанија.

Барселона го загуби овој натпревар по продолженијата против Атлетик Билбао со 3:2. 

Во 120-та минута Меси не можеше да го издржи нападот на Асиер Вилјабилбре, кој го турна со рамото при една од последните акции на Каталонците. 

Капитенот на Барса го удри од позади и практично го „нокаутираше“. 

Судијата Хесус Мансано остави акцијата да заврши, а потоа го погледна видеото од оваа ситуација и му покажа директен црвен картон на Меси. 

Ова е негово прво исклучување откако игра за Барселона. 

Во кариерата Меси има добиено уште два црвени картони, за Аргентина, во 2005 и 2019 година.