Разлики во воспитувањето: Дали сте мудар или обичен родител?
Длабоко во себе, ние знаеме како да постапуваме правилно во однос на децата, но во секојдневниот живот ни недостасува трпеливост и мудрост за да го оствариме тоа. Ова се седум важни работи кои би им помогнале и на децата во формирањето на нивната личност и на родителите во процесот на воспитувањето.
- Обичниот родител е убеден дека целото негово слободно време треба да биде целосно посветено на детето, при тоа ставајќи ги своите интереси во втор план. Мудриот родител е способен да се грижи за себе, а со тоа да ги научи своите деца да го прават истото.
- Обичниот родител поминува вечери помагајќи му на своето дете во домашните задачи. Мудриот родител, во воспитувањето на детето, се придржува до следната стратегија: детето е одговорно за направените или не направените домашни задачи, и самото одговара за тоа.
- Обичниот родител се обидува да ја искупи својата грижа на совест, користејќи разни подароци и пари. Мудриот родител редовно му дава на детето пари за џепарлак, што треба да ги распредели на таков начин што може да си купи работи или играчки за себе, кои не се вклучени во семејниот буџет.
- Обичниот родител не се обидува да разбере зошто неговото дете се однесува лошо, како да не го слуша доволно во даден момент. Мудриот родител се обидува да го слуша своето дете, да разбере што стои зад неговото лошо однесување за да најде можност да му помогне.
- Целта на обичниот родител во воспитувањето на детето е да воспитува пристоен човек. Мудриот родител прави сè за да изгради блиски односи со детето.
- Обичниот родител го воспитува своето дете во атмосфера на уживање, понекогаш дозволувајќи му да му се „качи на глава”. Мудриот родител сфаќа дека има целосно право на личен простор, хоби и време, поминато без дете. Тој ги почитува и своите и границите на своето дете.
- Обичниот родител се обидува да го заштити своето дете од сите тешкотии во животот, правејќи го и она што не мора. Мудриот родител му дозволува на детето да направи грешки, а потоа, заедно со него, разговара каква позитивна лекција може да научи од ситуацијата.
