Празниците завршија: Три совети како да го забрзате слабеењето

Комбинацијата на правилна исхрана и редовна физичка активност се клучот за одржување на совршена фигура. Сепак, фитнес-експертите препорачуваат и три трикови кои ќе придонесат за здраво слабеење за екстремно кратко време. 

Доволно спиење 

Недостатокот на сон не само што предизвикува зголемен внес на калории, туку и спречува стомакот да му даде сигнал на мозокот дека е полн. Имено, кога сме уморни, нашето тело го интензивира производството на грелин, хормонот на апетит, со цел да се компензира енергијата што не одржува будни, а во меѓувреме, поради исцрпеност, телото престанува да го лачи хормонот лептин, кој му кажува на мозокот дека сме сити.

Масажа 

Со цел мускулите да се опорават што е можно побрзо од напорното вежбање, а со тоа да бидат подготвени за ново согорување на маснотиите што е можно поскоро, потребно е добро да ги масирате. Не само што масажата спречува воспаление и ја подобрува циркулацијата на крвта, туку таа го забрзува закрепнувањето на мускулите за дури 60 проценти. 

Кога масирате, мора да имате предвид да не ги масирате мускулите веднаш по физичката активност, туку мора да почекате да се оладат, и најдобро би било нежно да ги измасирате пред спиење.

Вода

Дехидрираноста е апсолутно контрапродуктивна бидејќи драматично го забавува метаболизмот, што го фрла целиот ваш труд, напор и пот во заборав. Експертите советуваат дека, покрај препорачаната дневна доза од два литра вода, за секој час вежбање да испиете и дополнителен половина литар вода.