Откриено што друго влијае на сериозноста на симптомите на Ковид-19

Кинески научници од Универзитетот во Хонг Конг дојдоа до нови сознанија за коронавирусот, односно за симптомите што ги предизвикува кај луѓето. 

Тие во научното списание „Гут“, објавија дека некои микроорганизми во човечкиот гастроинтестинален тракт (дигестивниот систем) влијаат на реакцијата на човечкиот имунолошки систем и сериозноста на симптомите кај луѓето со Ковид-19.

„Познато е дека луѓето со Kовид-19 во гастроинтестиналниот тракт немаат некои добри бактерии, кои се познати како регулатори и стимулатори на имунитетниот систем на човекот“, изјави д-р Ксиу Нг од Кинескиот универзитет во Хонг Конг, пренесува Ројтерс. Таа изјави дека „дисбиозата“, т.е. присуството на некои абнормални бактерии во нашиот гастроинтестинален тракт, останува и по прележувањето на Ковид-19 и влијае на развојот на долгорочни стомачни заболувања.