Русија ќе ја регистрира третата вакцина против Ковид-19

Резултатите од клиничките испитувања на вакцината за коронавирусот направени од научниот центар „Чумаков“ на Руската академија на науките се многу добри и може да се регистрира во наредните денови, изјави шефот на руската служба за санитарен надзор и контрола, Ана Попова. 

Зборувајќи за состојбата со пандемијата, таа истакна дека нема причина да се каже дека вирусот ќе престане да циркулира. Напротив, како што рече, се смета дека вирусот ќе остане меѓу нас, дека ќе стане сезонски и дека ќе се појавува во сезоната на епидемии, како вирусот на грип. 

Досега во Русија се регистрирани две вакцини против Ковид-19 – вакцината на институтот „Гамалеј“, Спутник V и вакцината на институтот „Вектор“.