Кој имал корона има подобра заштита од вакцината

Луѓето кои прележале Ковид-19 имаат поголема заштита од реинфекција пет месеци подоцна отколку луѓето кои ја примиле вакцина на Оксфорд, а истото важи и за вакцината на Pfizer, објави Националната служба за јавно здравје на Англија (PHE). 

Податоците од студијата PHE Siren, која го следи здравјето на повеќе од 20.000 медицински лица во повеќе од 100 градови во Велика Британија, покажаа колку членови на медицинскиот персонал добиле коронавирус повеќе од еднаш. 

Утврдено е дека 6.614 медицински работници се заразиле во првата половина на 2020 година, а само 44 лица од оваа група повторно се заразиле од корона, објави „Дејли меил“.

PHE додава дека ова значи дека луѓето кои биле подложени на Ковид-19 имаат 83% заштита од реинфекција, а исто така имаат помала веројатност да развијат посериозни симптоми во случај на повторување на болеста. Само 15 од 44 лица кои повторно се инфицирале развиле симптоми на Ковид-19, додека останатите биле асимптоматски случаи. 

Од истражувачкиот тим велат дека тие можат да кажат дека природниот имунитет на Ковид-19 трае најмалку пет месеци, бидејќи студијата траела толку долго, а ќе продолжи во следните 12 месеци.