Која е дозволената дневна доза кафе, која нема да го загрози здравјето на нашето срце

Многу луѓе сакаат да го започнат денот со кафе.

Шолја кафе е она што на сите ни е потребно наутро и без кое повеќето од нас не можат да го започнат работниот ден. 

Една нова студија објавена во австралиско списание вели дека конзумирањето на 6 или повеќе кафиња дневно го зголемува ризикот од срцеви заболувања за дури 22%. Во Соединетите Држави, скоро половина од возрасните имаат некаква форма на кардиоваскуларни болести, а секој четврти смртен случај е од срцеви заболувања. А, Американците пијат повеќе кафе од кога било. Едно истражување открило дека 64% од Американците постари од 18 години пијат барем една шолја на ден.

Со ова се согласува едно истражување во Велика Британија кое вели дека 5 шолји на ден е максималниот број кој нема да го загрози здравјето на срцето. Луѓето кои учествувале во студијата конзумирале 5 шолји кафе секој ден и немале поголем ризик од запушени артерии во споредба со луѓето кои конзумирале помалку од една шолја на ден.