Човекот се менува кога ќе ги остави цигарите

Покрај тоа што убива, научниците тврдат, дека пушењето ја уништува и нашата личност. Можеби вие не забележувате промени во расположението кое им прави сите околу вас ‘да им се крева косата на главата, но тие веројатно се тука. 

Студија спроведена од Универзитетот во Мисури откри дека кај пушачите силно се потенцираат две карактеристики – импулсивност и невротизам. Студијата исто така открила дека оние кои се откажале од пушењето за време на студијата покажале драматично повлекување на овие карактеристики.

Ова ни кажува дека можеме да очекуваме промени во личноста откако ќе се откажеме од пушењето. 

Начинот на кој ги импресионирате другите луѓе ќе се промени и ќе станете многу подостапни. Да не спомнувамe дека ќе се чувствувате многу посреќно поради тоа што ќе ги откажете цигарите. Ќе бидете изненадени колку драма ќе исчезне од вашиот живот откако ќе се откажете, а исто така ќе имате многу појасен процес на размислување. 

Истражувањето следело луѓе кои биле на возраст меѓу 18 и 35 години, делумно затоа што научниците велат дека нашата личност е изградена и „заклучена“ кога ќе наполниме 35 години.

Ова е исто така дел од причината зошто е потешко да се остават цигарите подоцна во животот. Работите како желби, нетрпеливост и лути испади веќе не се само несакани ефекти предизвикани од цигарите, туку станале дел од вас. 

Многу пушачи имаат вистински проблем со оваа промена на идентитетот, но ако знаете која е причината, може да ви биде полесно да престанете да пушите, пишува YourTango.