Фотографиите на Инстаграм кажуваат многу за состојбата на вашето ментално здравје
Фотографиите што ги објавувате на Инстаграм можат да кажат многу повеќе за вас отколку што сте јаделе или каде сте биле на зимски или летен одмор.
Тие можат да покажат дали сте депресивни. Истражувањето направено од научници од Универзитетот Харвард и Вермонт, покажува дека луѓето кои имаат историја на депресија споделуваат повеќе фотографии, користат помалку филтри и објавуваат фотографии во темни или сиви бои.
Истражувањето наведува дека Инстаграм и другите социјални мрежи можат да бидат одлична алатка за анализа на менталната состојба на луѓето. Претходното истражување покажа дека зборовите што ги користите во твитови или статуси на Фејсбук можат да покажат дали сте депресивни или не.
Една студија покажа дека ова може да се види и врз основа на содржината на сликата што ја објавувате. Истражувачите прегледале повеќе од 43.000 фотографии на 166 корисници, од кои 71 имале историја на депресија. Тие користеле машина за анализа на боите, светлината, филтрите и сите други алатки што се користат за фотографиите. Откриле дека луѓето во депресија објавуваат повеќе фотографии кои се потемни, во сиви, сини или црни нијанси.
Исто така, тие користат помалку филтри, а доколку ги користат, тие користат Inkwell, што ги прави фотографиите во црно-бело. Ментално постабилните луѓе ја сакаат опцијата Valencia, која ги осветлува фотографиите. Луѓето кои се во депресија прават повеќе фотографии од своите лица, за разлика од поздравите луѓе.
Резултатите не се однесуваат само на корисниците на Инстаграм, бидејќи во студијата иако биле анализирани илјадници фотографии, тие биле објавени од мал број луѓе. Во истражувањето учествувале луѓе кои се активни на Инстаграм и им овозможиле на научниците увид во нивните здравствени досиеја.
