EGYPT 2021 – Секоја репрезентација може да има по 20 играчи во составот
На турнирот во Египет нема да има гледачи. ИХФ донесе ваква одлука поради епидемиолошката состојба со коронавирусот и спречување за негово ширење во рамките на националните тимови и меѓу гледачите. Исто така, забрането е доаѓање на новинари, освен за оние кои ги купиле правата за преноси од Египет.
Овој Мундијал е специфичен и по тоа што секоја репрезентација може да има 20 играчи наместо претходните 16. ИХФ го овозможи ова токму поради епидемиолошката состојба и можноста за инфекција во тимовите.
