Симеоне е најдобриот тренер на деценијата

Тренерот на Атлетико Мадрид, Диего Симеоне е избран за најдобар во изминатата деценија според анализата на Меѓународната федерација за историја и статистика на фудбалот (ИФФХС). 

ИФФХС тренерите ги бодува според сезоните, а Симеоне, кој со Атлетико Мадрид ги освои шампионската титула, купот и двапати Суперкупот на Шпанија, Лига Европа и Суперкупот на Европа, и двапати го играше финалето во Лигата на шампионите, доби 152 поени. 

Зад себе ги остави Пеп Гвардиола и Јирген Клоп, додека четврти е Жозе Мурињо. 

Во првите десет се и Масимилијано Алегри, Унаи Емери, Зинедин Зидан, Карло Анчелоти, Маурисио Покетино и Марсело Гаљардо.