Покани за СП добија Полска и Русија, на кои не им е дозволено да настапуваат под свои oбележја

Со оглед на проширувањето на Светското првенство од 24 на 32 репрезентации, дури тројца дебитанти ќе играат во Египет. Тоа се Уругвај, Зеленортски Острови и Конго. Последните две репрезентации беа меѓу најдобрите седум во Африканскиот куп на нации, додека Уругвај оствари место меѓу најдобрите три на првенството во Централна и Јужна Америка.

Покани за Светското првенство добија Полска и Русија, која ќе игра како претставник на Руската ракометна федерација, бидејќи не е дозволено да се игра под името и знамето на Русија. Тоа е резултат на суспензија на сите руски спортисти од меѓународните спортови за четири години. Суспензијата беше воведена од Светската антидопинг агенција (ВАДА), но во декември минатата година одлуката беше сменета од Арбитражниот суд за спорт и на руските спортисти им беше дозволено да се натпреваруваат, но без национални обележја.