Меси е најдобриот плејмејкер на деценијата

Аргентинецот Лионел Меси е прогласен за најдобар плејмејкер во претходната деценија. 

Меѓународната федерација за историја и статистика на фудбалот (ИФФХС) ги бодуваше фудбалерите според позицијата што ја заземаа по сезоните со 20, 19, 18 поени, итн. 

Меси собра 174, а најдобар беше во 2015, 2017, 2019 година, а втор во 2011, 2014, 2018 и 2020 година. 

Зад него останаа неговиот поранешен соиграч Иниеста со 127 поени, а третопласиран е Хрватот Лука Модриќ со 113 поени. 

Меѓу првите десет се наоѓаат Кевин де Брујн, Тони Крос, Еден Азар, Нејмар, Месут Озил, Андреа Пирло и Јаја Туре.