Имате трема? Еве како алкохолот влијае на неа

Научниците од Универзитетот во Келн докажаа дека малку пиво навистина може да не опушти, но алкохолот обично влијае на јазикот, и тоа негативно, па зборувањето ќе биде многу полошо.

Во студијата учествувале 62 испитаници кои биле нервозни за време на јавни настапи и 60 опуштени луѓе. Поединци од “нервната” група пиеле вотка-џус или пиво, што навистина ја намалило нивната нервоза, но се влошил квалитетот на говорот. 

Овие испитаници имале проблем со концентрација, брзина на изразување, елоквентност и не остварувале контакт со очите, што е исклучително важно за време на јавните настапи. 

Но, верувањето дека пијат алкохол ги смирувало и не влијаело на квалитетот на говорот, па психолозите сугерираат дека нервозните луѓе треба да практикуваат техники на дишење кои ќе им помогнат да ја елиминираат анксиозноста и нема да влијаат негативно на нивниот настап.