Третото продолжение на „Deadpool“ во киносалите ќе пристигне дури во 2023 година

Снимањето на третото продолжение на „Deadpool“ започнува во 2022 година, пишува Screenrant. 

Набргу откако беше потврдено дека Ryan Reynolds ќе ја повтори улогата во третото продолжение на овој филм, извршниот директор на Marvel, Kevin Feige, во интервју за Collider потврди дека снимањето нема да започне оваа година. 

„Нема да снимаме во текот на 2021 година. Ryan е многу зафатен, тој е исклучително успешен актер“, изјави кратко Feige. 

Со оваа изјава, тој на некој начин потврди дека филмот нема да пристигне во киносалите до 2023 година.