Одложен стартот на сезоната во Формула 1

Почетокот на новата сезона во Формула 1 е одложен поради пандемијата на коронавирусот. 

Сезоната наместо во Австралија на 21 март, ќе започне во Бахреин седум дена подоцна на патеката Сахир. 

Трката во Мелбурн, која традиционално ја отвора сезоната, ќе се вози на 21 ноември. 

Тоа влијаеше и на поместување на последната трка од сезоната во Абу Даби за една недела, на 12 декември. 

Освен Австралија, поместена е и трката за Големата награда на Кина која требаше да се одржи на 11 април. Новиот датум ќе биде одреден подоцна. 

Додадена е трката во Имола, Италија, на 18 април, додека празен термин е 2 мај.