Објавен е првиот тизер за новата сезона од серијата „Сексот и градот“
Веќе е потврдено дека американската серија „Сексот и градот“ ќе добие уште една сезона, а продукцијата со објавување на тизер реши да открие уште неколку детали за новите епизоди. Во новите епизоди ќе се појават Сара Џесика Паркер, Синтија Никсон и Кристин Дејвис. Продуцентите открија дека новата сезона носи 10 нови епизоди, секоја од нив трае по половина час.
Новата ера е наречена „And just like that…“ и актерките веќе споделија кратка најава за новите епизоди на своите социјални мрежи. Џесика Паркер кратко напиша до видеото: „Не можев да не се запрашам, каде се сега?“.
Од продукцијата најавија дека оваа сезона ќе ги следи животите на три 50-годишни жени во Њујорк, односно нивните врски, пријателства, кариери …
Да потсетиме, серијата „Сексот и градот“ беше премиерно прикажана во 1998 година. Имаше шест сезони кои траеја до 2004 година. После тоа, снимени се два филма „Сексот и градот“ и „Сексот и градот 2“, како и кратка серија која ја прикажува младата Кери (Сара Џесика Паркер) „The Carrie Diaries“.
