8 причини зошто се будите уморни наутро и како да си помогнете
Истражувањата покажаа дека многу возрасни лица признаваат дека барем еден ден во неделата се разбудиле уморни, особено за време на пандемијата. Постојат многу причини за „тешките” утра, а добрата вест е што можете да ги спречите повеќето од нив.
1.Не спиете доволно
Ова е најочигледна причина зошто може да се разбудите уморни наутро. Повеќето возрасни имаат потреба од 7-9 часа сон секоја вечер и додека за некои може да биде доволно и помалку, тоа се ретки случаи.
- Премногу спиете
Ниту другата крајност не е добра и иако не постои одреден број часови што одредуваат кога премногу спиете, некои од знаците за претерување може да бидат чувство на замор во текот на целиот ден со нивото на енергија што нагло се зголемува кога ќе падне ноќта, утрински главоболки и „матно“ чувство во главата.
- Не спиете добро
Ако спиете редовно осум часа и сте уморни, тоа е знак дека не спиете добро. Луѓето кои често се будат среде ноќ, веројатно нема да поминат доволно време во длабок сон толку колку што треба за квалитетен одмор.
- Пиење пред спиење
Истражувањата покажаа дека алкохолот пред спиење може да ги наруши фазите на длабок сон. Но, пред да го замените алкохолот со друг пијалок, запомнете дека премногу течност пред спиење може да го попречи вашиот сон затоа што веројатно ќе треба да се разбудите среде ноќ за да одите во тоалет.
- Јадете пред спиење
Ако јадете сладок десерт пред спиење, може нема да може да заспиете. Експертот за спиење, др. Мајкл Бреус, вели дека повеќето луѓе би било подобро да се ограничат на 200-250 калории околу 30 минути пред спиење – тоа е идеална мешавина од јаглехидрати и масти или протеини.
- Имате неуреден распоред на спиење
Телото сака рутина и ако легнете во 22 часот една вечер и во 01 часот следната, ќе го збуните вашиот внатрешен часовник. Добра идеја е да поставите аларм еден час пред да планирате да одите во кревет, за да можете да се смирите и опуштите пред спиење.
- „Висите” на телефон пред спиење
Држете се подалеку од екранот на електронските уреди пред спиење затоа што гледањето во сината светлина пред спиење може да го наруши вашиот ритам. Покрај тоа, гледањето социјални медиуми може да предизвика стрес и вознемиреност, а не ви треба ништо од тоа пред спиење.
- Имате апнеа
Тоа е состојба што предизвикува проблеми со дишењето за време на спиењето и може да доведе до ‘рчење и чести будења во текот на ноќта. Ако се сомневате дека ова е и ваш проблем, контактирајте лекар кој би можел да ви понуди неколку совети за решавање или ублажување на таквата состојба, пишува mbg.
