Светското првенство во ракомет ќе се игра без публика

Светското првенство во ракомет, кое започнува на 13 јануари во Египет, ќе се игра пред празни трибини. Одлуката да се затвори салата за гледачите беше донесена на состанокот на кој присуствуваа египетскиот премиер Mostafa Madbouly, министерот за млади и спорт Ashref Sobhy, претседателот на Меѓународната ракометна федерација (IHF) Hassan Moustafa и претседателот на Организацискиот комитет и египетската ракометна федерација Hesham Nasr. 

32 репрезентации за прв пат ќе играат на Светското првенство, а натпреварите ќе се играат во четири сали.

Одлучено е сите натпревари на турнирот да се играат без гледачи во салата поради мерките на претпазливост во борбата против коронавирусот. 

Очекувана одлука 

Иако IHF и организаторите најавија дека гледачите ќе можат да пополнат до 20 проценти од капацитетите на салите, оваа одлука беше очекувана.

Потсетување дека, организаторите на турнирот воведоа исклучително строги правила за репрезентациите. Нема да има одложување на натпреварите поради коронавирусот, а на екипите кои нема да можат да играат поради одреден број на заразени играчи им се заканува исфрлање од натпреварувањето.

Од друга страна, истиот тој организатор, и покрај големиот ризик, реши да им ја отвори вратата на одреден број на гледачи, со што ќе беа доведени во опасност играчите, што потенцијално можеше да доведе до исфрлање на некои екипи од шампионатот. 

Најголемите sвезди се закануваа дека ќе го бојкотираат Светското првенство 

Некои од најголемите sвезди, како Бјарте Мирхол, Сандер Сагосен и Микел Хансен, се побунија против нелогичната одлука на организаторите, а Хансен дури изјави дека размислува да не дојде во Египет доколку IHF се држи до одлуката да има публика во салите.

“Не знам дали воопшто треба да се игра. Не треба да има навивачи. Нека ми ја објаснат поентата дека ние играчите сме изолирани во хотел, патуваме во специјални автобуси, со маски, а потоа излегуваме на терен пред толку многу луѓе. Ризикот е огромен. за сите. Навистина ќе размислам дали воопшто ќе играм на Светското првенство “, изјави Данецот пред неколку дена. 

Остриот настап на најдобрите играчи ги принуди организаторите да постапат прагматично во последен момент бидејќи тие беа свесни дека Светското првенство без најголемите sвезди нема да има никаква смисла.

Светското првенство започнува на 13 јануари со натпреварот Египет – Чиле.