Пет основни правила за совршен почеток на денот

На сите веќе им е јасно дека појадокот е најважниот оброк во денот и затоа ве потсетуваме на основните правила што треба да се следат кога станува збор за оброкот со кој го започнувате секој ден. 

 

Внесете најмалку 8 грама влакна 

Влакната ќе ве одржат сити подолго, така што нема да посегнувате по закуски до ручекот. 

 

Појадувајте веднаш по будењето 

Искористете го потенцијалот на телото да согорувате маснотии и јадете најдоцна еден час по будењето. На овој начин го зајакнувате метаболизмот и избегнувате подоцнежни напади на глад.

 

Повеќе протеини, помалку шеќер 

Слатката храна може да изгледа примамливо и идеално за прв оброк, но таа не е најдобриот избор. Овој вид храна има повеќе калории и ви дава помалку енергија, затоа јадете храна богата со протеини, како што се јајца и пецива од цели зрна. 

 

Важна е големината на порцијата 

Појадокот треба да биде обилен за да ве засити, но не претерувајте. Во принцип, не треба да внесувате повеќе од 350 калории. 

 

Никогаш не прескокнувајте го појадокот

Прескокнувањето оброци не е добро решение ако сакате да изгубите тежина. Квалитетниот појадок ќе ве засити, така што во текот на денот ќе конзумирате помалку калории.