Дали спортистите ќе бидат вакцинирани пред Олимписките игри?

Претседателот на Германската олимписка федерација, Алфонс Херман, не очекува учесниците на претстојните Олимписки игри да мора да бидат вакцинирани против коронавирусот. 

Во интервју за весникот „Augsburger Nahrihten“, Херман изјави дека не претпоставува дека ќе се воведе обврска за вакцинирање, односно дека само вакцинираните спортисти ќе можат да патуваат на Олимписките игри во Токио. 

Според него, во наредниот период секако ќе се одржи интересна дискусија на таа тема.

Херман очекува дека спортистите кои нема да бидат вакцинирани ќе треба да исполнат одредени услови. 

„Секој спортист сам треба да одлучи дали ќе се вакцинира или не“, изјави  Херман. 

Задолжителната вакцинација за спортистите претходно ја отфрли шефот на Меѓународниот олимписки комитет, Томас Бах. 

Сепак, тој повика на најсеопфатна можна вакцинација.