Тие можат да сторат сè! Што мислите, кој извршува 42 различни задачи во текот на денот?
Таа личност има две нозе, две раце и една глава. Па, како го прави тоа?
Прво ја вклучуваат машината за перење, подготвуваат појадок, се шминкаат, фрлаат ѓубре, ги носат децата на училиште, одат на работа, готват ручек, ја чистат куќата, им помагаат на децата во пишувањето домашни задачи…
Секако, станува збор за жена, домаќинка, мајка. Една просечна мајка во текот на денот извршува дури 42 различни задачи.
Едно британско истражување откри дека жените извршуваат различни задачи во текот на денот, а во исто време планираат што ќе прават утре и готват. И не само тоа – тие треба да дадат се од себе на работа, затоа што мораат да си ги зачуваат работните места.
Британците дошле до заклучок дека 84% од жените страдаат од преголем број обврски. Посебен проблем е што утрото за нив е најстресниот дел од денот, бидејќи повеќето обврски треба да ги завршат наутро, пред да заминат на работа!
Сепак, најголем стрес за нив е да планираат што ќе готват утре, бидејќи нивните партнери многу малку им помагаат.
