Земјата се врти побрзо од кога било
Научниците предупредуваат – Земјата се врти толку брзо што 2021 година ќе биде најкратката година во последните пет децении.
Ваквата практика на вметнување дополнителни секунди беше воведена во 1972 година и дотогаш беа додадени само 27 секунди.
Иако можеби и не ни изгледа така, Земјата се врти побрзо и побрзо. Научниците открија дека се зголемува брзината со која Земјата се врти околу својата оска, што ќе резултира во „пократка“ година.
Имено, како што објаснуваат, на ротацијата на Земјата влијаат голем број фактори од атмосферата и океаните до нејзиното течно јадро. Сепак, поради побрзата ротација, тие проценуваат дека просечниот ден во текот на 2021 година ќе биде за 0,05 милисекунди пократок од вообичаеното. Кога ќе додадеме колку дена ќе бидат пократки во текот на годината, доаѓаме до пократка година.
Последен пат просечниот ден бил пократок од 86.400 секунди во текот на целата година во 1937 година, предупредуваат научниците.
За една просечна личност, тоа не значи многу, но може да се појават проблеми за технологијата што користи атомски часовници за точно и прецизно извршување на одредени задачи во астрономијата, навигацијата, компјутерските мрежи и слично. Ако ротацијата на Земјата се промени доволно, атомските часовници ќе станат неточни, што значи дека ќе треба да се додаде или одземе секунда за да се изедначат.
