Ова се 10-те најпопуларни спортови во светот

Некои спортови, како што се фудбалот и кошарката, се играат повеќе или помалку во сите делови на светот, додека други, како што е крикетот, се популарни само во одредени земји. 

Целиот свет ужива во спортот, но не секој од нив е подеднакво популарен на различни континенти. Откријте кои 10 спортови имаат најмногу љубители во моментов во светот. 

 

10. Голф 

Голфот е измислен во Шкотска во 15 век. Денес, најмногу се игра во Северна Америка, Западна Европа и Источна Азија.

 

9. Рагби 

Рагби најпрво се играше во Англија, а денес е многу популарно во земјите кои беа дел од британската империја, како што се Нов Зеланд и Австралија. 

 

8. Бејзбол 

Американците отсекогаш уживале да играат и да следат бејзбол, а овој спорт е омилен со децении и во Источна Азија и во Латинска Америка. Бејзболот потекнува од Англија, а негов претходник е крикетот. 

 

7. Кошарка 

Кошарката е измислена на крајот на 19 век од Канаѓанец кој предавал физичко образование во САД. Овој спорт денес е глобално популарен, а најдобрата кошарка сè уште се игра во земјата од каде потекнува.

 

6. Пинг-понг 

Пинг-понгот е измислен во Англија на почетокот на 20 век. Кинезите и другите натпреварувачи од Азија доминираат со овој спорт со децении, но се игра и на други континенти.

 

5. Одбојка 

Одбојката е најпопуларна во Европа. Се игра и во САД и Бразил, како во сала, така и на плажа со помал број играчи.

 

4. Тенис 

Тенисот потекнува од Англија кон крајот на 19 век. Денес е глобален спорт што го уживаат луѓето од целиот свет. Тенисот е еден од ретките спортови каде натпреварите во женска категорија го привлекуваат вниманието на јавноста скоро исто како и натпреварите во машка категорија.

 

3. Хокеј на мраз

Хокејот на мраз најмногу се игра во скандинавските земји, Русија, Канада и САД, додека хокејот на трева е многу популарен во Австралија, Африка и Азија. 

 

2. Крикет 

Крикетот потекнува од Велика Британија, каде и денес е меѓу најпопуларните спортови. Тој е исто така исклучително популарен во поранешните британски колонии: Индија, Пакистан и Австралија. 

 

1.Фудбал 

Фудбалот е глобален спорт број еден. Како и многу спортови на оваа листа, потекнува од Англија во 19 век, иако слична игра постоела во Кина пред 2.000 години. Фудбал се игра и гледа на сите континенти, но најмногу во Европа, Африка, Централна и Јужна Америка.