Откриено е која епизода од „Friends“ гледачите најмногу ја мразат

И покрај тоа што е омилена ширум светот, серијата „Friends“ ја има најлошо оценетата епизода. Од вкупно 236, гледачите една од нив особено не ја сакаат.

Епизодата од четвртата сезона наречена The One with the Invitation има најниска оцена на IMDb – Internet Movie Database, (Филмска интернет база на податоци), откри истражувањето на порталот money.co.uk. 

Додека Рос (Дејвид Швимер) планира венчавка со Емили (Хелен Баксендејл), во таа епизода, неговата поранешна девојка Рејчел (Џенифер Анистон) добива покана за нивната венчавка во Лондон. 

Во епизодата има и инсерти што ги потсетуваат гледачите на најдраматичните моменти од врската на Рејчел и Рос.

Сепак, Рејчел одлучува да остане во Њујорк со бремената Фиби (Лиза Кудроу) и да не оди во Лондон. Таа одлука сепак ќе се смени во следната епизода. 

Епизодата The One with the Invitation, има рејтинг 7,2 според гласовите на гледачите на серијата и посетителите на порталот IMDb, што е сè уште релативно високо во споредба со другите серии кои имаат помал просек од просекот на Friends, а кој изнесува 8,5 за сите 10 сезони.

Од друга страна, најдобро оценета епизода на истата платформа е „The One Where Everyone Finds Out“ од петтата сезона, во која пријателите дознаваат за односот помеѓу Моника (Кортни Кокс) и Чендлер (Метју Пери).

Новата епизода на Friends, за која сценариото сè уште не е напишано, во продукција на HBO Max, се очекува да се емитува во текот на 2021 година.