Пет совети кои ќе ви помогнат полесно да го поминете најтажниот ден во годината
Се приближува Синиот понеделник. Третиот понеделник во јануари го носи тоа име и се смета дека е најдепресивниот ден во годината. Се смета дека е предизвикан од постпразничната криза, вината за непочитување на новогодишните резолуции, студеното време и други фактори, а оваа година паѓа на 15 јануари.
Некои сметаат дека Синиот понеделник е мит, други тврдат дека се навистина нерасположени и депресивни на тој ден. Без оглед каква е вашата позиција, еве неколку совети кои можат да ви помогнат полесно да го надминете тој ден.
Планирајте нешто забавно
“Треба да престанеме да планираме забава исклучиво за време на викендите. Правејќи нешто забавно во текот на работната недела ќе го намалиме чувството на исчекување”, вели психијатарот Маргарет Саид.
Размислете за виртуелен час по готвење, филмски маратон со семејството или вечерна прошетка со партнерот за да го намалите чувството на вознемиреност.
Зачинете ја рутината
На Синиот понеделник, опуштете се и осмелете се да прифатите некои нови навики. Д-р Саид препорачува да не тагувате ако сте прекршиле новогодишна резолуција, но обидете се да додадете некои нови навики во вашата рутина, како што е здрава исхрана.
Практикувајте hygge
Данскиот израз hygge значи создавање простор и животен стил полн со топлина и удобност. Направете свој агол за да уживате во шолја топол чај и книга и да се борите против депресијата што ја носи Синиот понеделник.
„Генералка”
Според повеќе студии за околината и однесувањето, околината игра голема улога во расположението. Освежете ја постелнината, заменете ги перниците или реорганизирајте ја полицата за книги.
Светлосна терапија
Кога ви недостасува сончева светлина што ви го подигнува расположението и обезбедува доза на витамин Д, можете да пробате терапија со светлина што помага да се компензира природната сончева светлина. Д-р Саид препорачува да седите покрај ламба за светлосна терапија минимум 30 минути на ден за да го подобрите расположението во текот на зимата.
