Одложено доделувањето на Греми наградите

Престижната церемонија на доделувањето на музичките награди „Греми“, закажана за 31 јануари, е одложена поради зголемувањето на бројот на заразени со коронавирусот во Лос Анџелес. Магазините Rolling Stone и Variety, повикувајќи се на повеќе извори, пишуваат дека церемонијата може да се одржи во март годинава.

Во Лос Анџелес, бројот на смртни случаи и заразени со коронавирусот е зголемен, додека теретаните, фризерските салони и рестораните се затворени, а на локалното население им е кажано да остане дома.

Организаторите на Греми кон крајот на минатата година изјавија дека се обидуваат да го променат начинот на одржување на церемонијата, без публика и традиционален црвен тепих.