Вакцината на Модерна доби „зелено светло“ за употреба во Европската унија

Европската агенција за лекови ја одобри вакцината на Модерна против Ковид-19. 

Европската комисија сега може да продолжи со лиценцирање на втората одобрена вакцина по Pfizer / Biontek, која ќе се најде на пазарот на Европската унија во наредните денови. 

САД, Канада и Израел се земји кои веќе ја одобрија употребата на вакцината на Модерна.

Соединетите држави дадоа „зелено светло“ за итна употреба кај луѓе постари од 18 години на 18 декември, а пет дена подоцна, и Канада го стори истото. Израел ја одобри вакцината на Модернa минатиот понеделник.