И Италија развива вакцина, подобри резултати од Модерна и Фајзер

Вакцината против коронавирус развиена од римската компанија за биотехнологија „РеиТера“ е безбедна, изјави денеска научниот директор на болницата за заразни болести, Спаланзани, Џузепе Иполито. 

Иполито ова го изјави на презентацијата на резултатите од првата фаза на вакцината GRAd-CoV2 и посочи дека досега вакцината е тестирана на 100 лица и дека 45 од нив биле вакцинирани со различни дози и дека ниту една немала негативни ефекти или несакани ефекти 28 дена по вакцинирањето. 

Како што се наведува, тоа е подобар резултат во споредба со вакцините на компаниите Модерна и Фајзер, кои имале несакани ефекти. 

„Врвот на производство на антитела останува константен на четири недели и се прима една доза од вакцината“, изјави Иполито, додавајќи дека вакцината произведува антитела кон вирусот во 92,5 проценти од случаите. 

Претседателот на РеиТера, Антонела Фолгоре, изјави дека компанијата планира да произведува 100 милиони вакцини годишно, и дека вакцината е стабилна на температури од два до осум степени.