Истражувањата покажаа: Врските што започнуваат на Интернет траат подолго од другите

Оние кои се запознаваат на интернет многу порано сакаат да започнат да живеат заедно и да создадат семејство. 

Апликациите за состаноци како Тиндер ги користат голем број луѓе, особено откако светот беше погоден од пандемија на коронавирусот, така што шансите за средба со нова личност беа значително намалени. Едно истражување сега покажа дека оние врски што започнале токму така, на интернет, траат подолго од другите.

Истражувањето е спроведено во Швајцарија на 3.235 парови над 18 години и психолозите заклучиле дека оние луѓе кои користат апликации за да се сретнат со својата сродна душа имаат многу поголеми и посилни цели во љубовната врска, а со тоа и поголеми шанси да ја најдат вистинската личност и таа врската да трае. 

Исто така, оние парови кои се среќаваат на Интернет многу порано сакаат да започнат да живеат заедно. Истражувањето открило и дека апликациите помагаат во негување на врските на далечина, луѓето сакаат побрзо да имаат деца, сексуално се задоволни исто како и оние парови кои се запознале во живо.