Нова мерка против корона – забрана за служење алкохол

Норвешка ќе воведе нови ограничувања со цел да се спречи повторното појавување на коронавирусот, изјави премиерот Ерна Солберг и најави, меѓу другото, забрана за служење алкохол во ресторани и барови низ целата земја и домашни собири. 

Нордиската земја бележи зголемување на случаите во текот на минатиот месец и сега проценува дека едно болно лице инфицира во просек 1,3 лица, соопштија властите, пренесува Ројтерс.

„Гледаме повеќе знаци на нов бран на инфекции“, рече Солберг на прес-конференција, повикувајќи се на прославите на Божиќ и Нова Година и појавата на позаразната варијанта на вирусот, која за прв пат беше идентификувана во Велика Британија. 

Во четвртокот, Осло воведе задолжителни тестови на Ковид 19 за сите луѓе кои влегле во Норвешка по пристигнувањето или во рок од 24 часа. 

Двонеделниот кумулативен број на случаи на 100.000 жители беше 113,6 во неделата од 21 до 27 декември, четврти најнизок во Европа по Исланд, Грција и Финска, објави Европскиот центар за превенција и контрола на болести.