Том Хенкс за новата фризура: Ги исплашив децата – (ФОТО)

За време на гостувањето во „The Graham Norton Show“, Том Хенкс откри дека морал да се потстрижи поради неговата нова улога во филмот, што ги изненади неговите обожаватели. 

Американскиот актер снима нов филм за Елвис Присли во Австралија, а за време на неговото онлајн гостување откри детали поврзани со филмот. 

„Дозволете ми да ви покажам каков хорор морав да преживеам заради улогата на Том Паркер, менаџерот на Елвис Присли“, рече Хенкс, по што го симна капачето и накратко го покажа својот нов изглед. 

Неговата нова фризура насмеа некои обожаватели, додека други сметаат дека актерот изгледа застрашувачки. 

Славниот актер се пошегува дека само што ги исплашил децата и сака да се извини поради тоа, пишува Sky News.