Се опил, го сменил името во Селин Дион – и заборавил на тоа

Една комична ситуација се случила во Велика Британија. Имено, млади човек, кој до неодамна се викал Томас Дод, толку многу се опил што го сменил името во Селин Дион и подоцна заборавил на тоа. 

Како што изјавил за Бирмингем лајв, овој 30-годишник е голем обожавател на канадската пејачка, и додаде дека најверојатно испил неколку чашки повеќе за време на нејзиниот концерт на Јутјуб, па затоа му дошла оваа, да речеме, чудна идеја. 

Преку апликација си го сменил името, платил 89 фунти, а потоа купил осум дополнителни сертификати што го потврдуваат ова – во случај некој да не му верува. Како што изјави, тој дури и не се сеќава на овој чин, сè додека на неговата адреса не пристигнале документи, со ново име.

Селин се пошегува дека не би сакал полицијата да го спречи во сообраќајот затоа што „може да биде чудно“. Неговата мајка на почетокот била лута, но кога тој и објаснил дека може да биде полошо, таа успеала да види колку целата ситуација е навистина смешна. 

“Јас и објаснив дека може да биде многу полошо. Можев да бидам Борис Џонсон. За среќа, тој нема концерти на Јутјуб”, изјави тој. 

Селин заклучи дека не брза да го смени името и дека засега не размислува за тоа.