Легендарниот водител Лери Кинг хоспитализиран поради коронавирус

Познатиот американски водител Лери Кинг е хоспитализиран поради коронавирус, пишува Entertainment Weekly. 

Кинг моментално е во болница во Лос Анџелес, потврди неговото семејство за CNN и ABC News. Хоспитализиран е пред една недела. 

“Со години има здравствени проблеми, ќе се справи и со ова. Тој е шампион”, кратко коментираше член на неговото семејство. 

Да потсетиме, Кинг имаше мозочен удар во 2019 година, а две години порано се бореше со рак на белите дробови, додека во 1987 година имаше срцев удар.

Зад водителот е крајно тешка година, тој загуби две деца во изминатите неколку месеци.