Еден од креаторите на руската вакцина: Ковид пасошите наскоро ќе бидат дел од нашите животи
Ковид-пасошите за луѓе кои примиле вакцина против корона вирусот може да стане реалност веќе во 2021 година, изјави директорот на Рускиот фонд за директни инвестиции (РФПИ), Кирил Дмитриев.
„Гледаме дека ќе бидат воведени ковид пасоши. Мислам дека некои земји ќе ги воведат порано, а други подоцна. Нема сомнение дека ќе има летови на авиокомпании или според системите за тестирање или според пасошите за вакцини“, рече тој за телевизијата „Русија 24“.
Одговарајќи на прашањето за можноста за воведување на ковид пасош во светот, Дмитријев рече дека тоа е неизбежно. Според него, тоа е реалноста.
„Да, тоа звучи малку чудно сега, но мислам дека за една година, никој нема да поставува прашања, бидејќи факт е дека вакцинираните луѓе се помалку ризични од оние кои можат да бидат заразени. Затоа, овие пасоши, кои сега се развиваат во многу земји, ќе станат дел од нашите животи следната година “, потенцира тој.
Претходно, министерот за здравство на Русија, Михаил Мурашко, објави дека жителите на Русија кои биле вакцинирани против корона вирусот, од јануари 2021 година, автоматски ќе можат да добијат пасош што го потврдува тоа на веб-страницата на државните служби („Gosuslug“).
Да потсетиме, градоначалникот на руската престолнина Сергеј Собјанин изјави дека од почетокот на вакцинацијата во Москва, во првата недела од декември, околу 50.000 луѓе веќе примиле вакцина, а 70.000 се регистрирани.
