ГРАД СКОПЈЕ СО ПОМОШ ЗА НАСТРАДАНИТЕ ВО КАТАСТРОФАЛНИТЕ ЗЕМЈОТРЕСИ ВО РЕПУБЛИКА ХРВАТСКА

Советот на Град Скопје на денешната итна  вонредна седница, донесе Одлука за давање помош на настраданите од катастрофалните земјотреси во Петриње и во Загреб, во кои има човечки жртви и  се повредени повеќе лица.

Со оваа одлука, како израз на солидарност за настраданите, Градот Скопје дава помош во износ од 3 милиони денари, односно 2 милиона денари на градот Петриње и еден милион  денари за градот Загреб, износ кој го доделуваме на сите градови за вакви и слични неприлики.

Градоначалникот на седницата изјави дека Скопје е град на солидарноста и знае што значи помош по вакви  катастрофи и затоа во кординација  со сите советнички групи во Град Скопје е свикана  вонредна седница на Советот за да им се додели  помош на пријателите од  Загреб и од Петриња.

Град Скопје