Online концерт на Ансамблот ХОРИЗОНТЕ – Германија
Со концертот на ансамблот „ХОРИЗОНТЕ“ од Германија ја заокружуваме
овогодинешната програма на „ДЕНОВИТЕ НА МАКЕДОНСКА МУЗИКА“. Во овие последни
магловити денови од годината, СОКОМ Ве кани на online концерт на ансамблот
ХОРИЗОНТЕ од Германија, со наслов „Импресии“.
Концертот ќе може да го проследите на 29 декември со почеток од 20 часот, на
YouTube каналот (https://kultura.us15.list-man
На програмата на концертот се дела од: Кирил Македонски, Михаило
Трандафиловски, Јана Андреевска, Jörg-Peter Mittmann, Morton Feldman, Max E.
Keller и Jérôme Combier. Ансамблот „ХОРИЗОНТЕ“ и е добро познат на македонската
публика и е еден од ретките ансамбли кои континуирано изведуваат дела од
македонски автори и надвор од рамките на фестивалот ДММ. Својата посветеност во
таа насока ја докажаа и овој пат реализирајќи го овој концерт во навистина
вонредни услови, со снимка која ја направија на 20 декември во салата на Freie
Waldorfschule Gütersloh во Friedrichsdorf.
Концертот е финансиран и поддржан од Министерство за култура, Друштво за
македонско – германско пријателство и соработка – Скопје и Гете институтот.
Во оваа прилика ви ја изразуваме нашата најдлабока благодарност за
долгогодишната соработка, довербата и континуираната поддршка која ја пружате
на фестивалот Денови на македонска музика и ви посакуваме среќни новогодишни и
божиќни празници!
