Постои ли Дедо Мраз? Психолог советува што и кога треба да одговорите на ова прашање
Вечна дилема: Кога е вистинското време да му ја кажете вистината на детето?
Новогодишните и Божиќните празници се ближат, кога децата со нетрпение чекаат подароци од Дедо Мраз. И, дали знаете кога е вистинско време да им кажете дека симпатичниот дедо со бела брада, кој секоја година им ги исполнува желбите, не постои?
Детскиот психолог д-р Аманда Гејмер ги советува родителите дека е најдобро да им ја откријат вистината кога децата имаат 10 или 11 години, но дека тоа првенствено зависи од детето.
– Тоа е приближно времето кога децата почнуваат да поставуваат прашања за такви работи. Важно е тие да имаат доверба во вас, па ако премногу долго ја криете вистината од нив, постои опасност да ги расипете меѓусебните односи – вели Гејмер.
Ако веќе имате намера да им ја кажете вистината, тогаш најдобро е да почекате момент да ве прашаат, а потоа да ги прашате што мислат тие за тоа:
– Полесно е да ги потврдите сомнежите што веќе ги имаат, отколку да им кажете нешто необично. Но, не заборавајте да им кажете дека новогодишните и божиќните пораки, како што се љубезност и грижа, сè уште важат, без оглед на тоа што Дедо Мраз не постои.
