ПОЗИТИВНА ПРОМЕНА ЌЕ ПОЧУВСТВУВАТЕ ВЕДНАШ: Еве зошто треба да си легнете пред 22 часот!
Раното легнување има многу позитивни ефекти врз телото и умот.
На секој од нас му треба квалитетен сон со цел да го одмори своето тело и да биде подготвен за секојдневните активности.
Според Bright Side, најдобро би било да си легнете околу 22 часот. Раното легнување има многу позитивни ефекти врз телото и умот. Многу познати sвезди ја практикуваат оваа навика, а меѓу нив се и Опра Винфри и Ана Винтур.
Ќе се одмориме добро
Како прво, најдлабокиот и најмирен дел од нашиот сон е помеѓу 22 часот и 2 часот по полноќ, што значи дека ако легнеме рано, ќе спиеме и ќе се одмориме. Исто така, една студија покажа дека легнувањето порано помага да се запрат негативните мисли што навечер ни поминуваат низ главата и поради кои не можеме да заспиеме.
Телото се враќа во форма
Кога сме во длабок циклус на спиење, нашето тело се лекува само со производство на соматропин – хормон за раст. Оваа клучна активност ни помага следниот ден да бидеме во топ форма, особено кога станува збор за физички активните луѓе.
Се намалува стресот
Доколку не спиеме доволно, може да дојде до создавање на високо ниво на кортизол, хормонот на стрес. Последицата од тоа е создавање на вознемиреност. Кога добро ќе се одморите и со тоа ќе го намалите нивото на кортизол, ќе имате повеќе енергија во текот на денот.
Подобра контрола над емоциите
Истражувањата покажаа дека луѓето кои спијат доволно се генерално посреќни во животот. Кога ни недостасува квалитетен сон, нашите емоции можат да бидат понестабилни затоа што потешко се контролираат. Исто така, одењето порано на спиење може да значи и порано будење, што може да биде важно ако сакаме да фатиме повеќе дневна светлина и серотонин – хормон на среќа за подобрување на расположението.
