Акт на љубезност што го воодушеви целиот свет

Фотографија на анонимен господин се најде на насловните страници на италијанските весници. 

Неговото име е Фиоренцо, има 94 години, а ноќта пред Божиќ бил сам и осамен, па ги повикал карабинерите во предградието на Болоња им рекол дека не му треба ништо, но посакува, ако може некој, да застане десетина минути за да наздрават заедно.

Карабинерите тропнале на вратата на Фиоренцо, наздравиле, се сликале, му помогнале преку видео повик на кратко да разговара со роднини кои живеат далеку, а приказната заврши на насловните страници на медиумите.

Карабинерите се вратиле следниот ден и му подариле на господинот врамена фотографија што ја направиле претходната вечер.

„Бев возбуден, тоа беше магија за мене“, изјави Фиоренцо, скоро 100-годишен ветеран од Втората светска војна.