Повеќе деца поголема среќа? Што вели науката
Честопати не е лесно за родителите кои имаат повеќе од три деца, но и покрај организациските или финансиските потешкотии со кои се соочуваат многумина од нив, токму поголемиот број деца е причината зошто тие се посреќни.
Ова го покажуваат резултатите од петгодишното истражување на научниците од Универзитетот во Оукланд, кое покажа дека во поголемите семејства има повеќе смеа и позитивна енергија.
Неколку стотици луѓе учествуваа во истражувањето, вклучително и самохрани мајки и татковци, семејства со едно, но исто така и со неколку деца. Истражувачите го измериле задоволството на испитаниците од квалитетот на животот, нивото на самодоверба, како и нивото на социјална поддршка што ја добиваат од блиското опкружување.
Иако е вообичаено мислењето дека не им е лесно на големите семејства, се покажа дека тоа не е точно, затоа што всушност најзадоволни се оние со најмалку тројца наследници. Таквите семејства истакнале дека ретко им е досадно, нивните роднини им помагаат во сè, па затоа успеваат да се организираат.
Истражувачите заклучиле дека, за разлика од разгалените деца, оние во големи семејства учат одговорности од мали, а постарите им помагаат на своите родители да се грижат за помладите. Така, секој има свое место во големиот „ланец“ и подоцна полесно се справуваат со животните предизвици.
Овие малечки исто така можат да се пофалат со повисок степен на социјална и емоционална интелигенција во споредба со нивните врсници.
